ការផ្តល់សេវារដ្ឋបាលរបស់ក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ ចំពោះការកំណត់លើតម្លៃសេវាលិខិតឆ្លងដែនធម្មតា
កាលពីថ្ងៃទី ០៤ ខែ កក្កដា ឆ្នាំ ២០១៧ អគ្គនាយកដ្ឋានអត្តសញ្ញាណកម្ម បានចេញសេចក្តីប្រកាសព័ត៌មាន ដើម្បីជម្រាបជូនដំណឹងដល់សាធារណៈជនអំពីការផ្តល់សេវារដ្ឋបាលរបស់ក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ ចំពោះការកំណត់លើតម្លៃសេវាលិខិតឆ្លងដែនធម្មតា ដោយយោងតាម ប្រកាសអន្តរក្រសួង លេខ ១៤៤១៤ ស្តីពីការផ្តល់សេវារដ្ឋបាលរបស់ក្រសួងមហាផ្ទៃ ចុះថ្ងៃទី ៣០ ខែ ធ្នូ ឆ្នាំ ២០១៦ ដោយបានកំណត់លើតម្លៃសេវាសម្រាប់លិខិតឆ្លងដែនធម្មតា ០១ក្បាលតម្លៃ៖ ១០០ដុល្លារសហរដ្ឋអាមេរិក (សេវារយៈពេល ២០ថ្ងៃ), ១៥០ដុល្លារសហរដ្ឋអាមេរិក(សេវារយៈពេល ១០ថ្ងៃ), ២០០ដុល្លារសហរដ្ឋអាមេរិក(សេវារយៈពេល ០១ថ្ងៃ)។ ដោយឡែកចំពោះពលករទៅបំពេញការងារស្របច្បាប់នៅក្រៅប្រទេស តាមរយៈក្រសួងការងារ និងបណ្តុះបណ្តាលវិជ្ជាជីវៈ ការផ្តល់លិខិតធ្វើដំណើរត្រូវផ្តល់ដោយឥតគិតថ្លៃដោយអាករជាបន្ទុករបស់រដ្ឋ។
អគ្គនាយកដ្ឋានអត្តសញ្ញាណកម្ម
